Jacques Péteau, lieutenant-général du bailliage d'Etampes (1613): Installation du Principal Albert au Collège

CORPUS HISTORIQUE ÉTAMPOIS

Jacques Pétau, lieutenant-général Installation du principal Albert au Collège 7 mai 1613

[transcription de Clément Wingler, 1995]
Aujourd’huy Mardy, septiesme jour de May mil six cens treize, heure de cinq apres midy, a l’heure ordinnaire de tenir assemblée en l’hostel et maison commune de la ville d’Estampes suivant l’acte d’assemblée faicte des officiers et habitants de la dicte ville le samedi quatreiesme jour des présens moys et au devant de nous, Jacques Petau, conseiller du Roy, lieutenant général du dit bailliage d’Estampes, se sont présentez les maire et eschevins de la dicte ville [f°7v] d’Estampes, comparant par noble homme Jehan hardy, mareschal ordinaire des Logies du Roy et de ses armées, maire de la dicte ville, maistres Léon Laureault, advocat, Can Charron, Pierre Girard et Jehan Perrot, bourgeois et eschevins de la dicte ville, en personne lesquelz, en la présence du procureur du Roy au dit bailliage, nous ont dict que sur ce que maistre Jehan Albert, maistre es artz et licencié es loix, qui auroit esté premier régent en l’ung des colleges de [f°8v] de [sic] la ville d’Orléans, et en icelluy instruict la jeunesse et plusieurs ensfans de la dicte ville d’Estampes, a esté recongnu homme de la religion catholicque, apostolique et romaine, et bonne vie, meurs et conversation, suffisant et cappable pour faire la charge de principal au college des grandes ecolles de ceste ville, et estant présenté pour estre principal du college des dites grandes escolles, parce que en la dicte assemblée faicte le dict jour de [f°9v] samedy dernier, luy auroit esté faict proposition du traicté et condiction que l’on entendeu faire, lesquelles conditions le dict Albert auroit acceptées, et esté ordonné sur l’advis des assistans, que de ce seroit faict et rédigé acte par escript, ont lesdictz maire et eschevins, suivant ledict acte, avecq ledit Albert faict les pactions qui ensuivent. C’est assavoir qu’il fera sa demeure et résidence dedans la dicte maison des grandes escolles [f°10v] de ceste dicte ville comme principal précepteur des dictes grandes escolles, avecq ung régent suffisant et passable, ou tel aultre nombre de régens que besoin sera, pour y instruire la jeunesse es arts liberaulx et grammaire historique, poésie et dialectique, et sans que aulcun puisse tenir college en la dicte ville ailleurs que les dictes grandes escolles, et fera pour les petitz enffans a b c daires et pour instruire a l’escripture, et touttefoys [f°11v] pourra le dit principal sy bon lui semble, tenir ung maistre escripvain dedans le dit college pour instruire a l’escripture, et aussy sans que aulcuns altres maîtres puissent tenir pensionnaires en leurs maisons hors le dit college, pour les instruire es arts liberaulx et seurveiller forz les dicts a b c daires, maitre d’escripture, et pour iceulx a b c daires, a instruire a l’inscription seullement. Et sera la dicte maison des grandes escolles [f°12v] pourra le dit principal sy bon luy semble, tenir ung maistre escripvain dedans le dit college pour instruire a l’escripture, et aussy sans que aulcuns aultres maitres puissent tenir pensionnaires en leurs maisons hors le dit college, pour les instruire es arts liberaulx et seurveiller fors les dictz a b c daires, maitre d’escripture, et pour iceux a b c daires, a instruire a l’inscription seullement. Et sera la dicte maison des grandes escolles [f°13v] dedans le jour Sainct Jehan prochain au plus tost sy bon luy semble, dedans lequel temps la dicte maison luy sera rendue et vuidée et évaccuée par maistre Nicollas Echuault, prestre a présent demeurant esdictes grandes escolles, auquel sera permis et non a aultres, tenir les enfans pensionnaires qu’il a a présent hors le dict college, sans qu’il en puisse prendre d’aultres, et soubz ces conditions et satisfaisant a icelles, [f°14v] de la part du dit Albert, sera icceluy payé a raison de dix solz tournois par moys pour chacun enffant de la troisiesme classe, de vingt sols tournois pour ceulx de la seconde, et de trente sols tournoys pour ceulx de la premiere classe, et oultre de la somme de troys cens livres tournois de pension annuelle par ~~able~~ an, paiable de troys moys en trois mois, a commencer les premiers payemens au jour Sainct Remy prochain, et ainsy en continuant de [f°15v] trois mois en trois mois. La dicte somme assignée sur le revenu temporel de la maladrerie Sainct Lazare d’Estampes et aultres revenuz de la dicte ville, au payement et fournissement de laquelle somme en quartre en quartre, se sont lesdicts maire et eschevins de la dicte ville, en la dicte qualitté, et pour au nous esdictz habitans de la dicte ville et faulxbourg, obligez et obligera, et promis icelle somme de trois cens [f°16v] livres tournoys, par les dictz quartiers gournis, et ~~baillés~~ faire valloir sur le dict revenu temporel de Sainct Lazare, conformémént au don qui a esté faict par le Roy aux dits habitans vériffié au besoing a esté a prendre sur ledit revenu Sainct Lazare, et ou il ne suffira, sur les aultres revenuz de la dicte ville, et sera payé et advouée par les dicts maire et eschevins au dit Albert, en entrans dedans la dicte maison. Le premier quartier montant a soixante et quinze [f°17v] livres tournoys pour subvenir a ses meubles en la dicte maison, et a esté accordé que le dit Albert ne pourra quitter icelle maison, ny la dite charge de principal des dites grandes escolles, sans appeler et ouir les dicts maire et eschevins, officiers et habitans de la dicte ville, et pourra estre contrainct y résider et satisffaire aux susdictes conditions et charges, et aussy n’en pourra le dit Albert estre mis hors sans estre appellé et oy, ausquelles charges, [f°18v] clauses et conditions cy dessus, se sont les dits maire et eschevins, et le dit Albert, respectifvement submis et obligez satisfaire l’un envers l’aultre, scelon ce que dessus. Et encores, le dit Albert, soubz l’obligation de tous ses biens présens et advenir, et aultres voies de contrainctes nécessaire, soubz lesquelles condictions oy, le dit procureur du Roy, attendu le dit advis des dicts habitans, nous disons que le dit Albert demeurera en la dicte charge de principal [f°19v] esdictes grandes escolles, en laquelle charge l’avons institué, et de luy pries et receu le sermont au cas requis d’y faire son debvoir, ce qu’il aprouve, faire son debvoir aux charges et clauses et conditions susdictes, a l’entretenemant et acomplissement desquelles, condainpnons les dicts maire et eschevins et le dit Albert respectifvement, de leur consentemens a satisfaire de noms qualitez des escoles, que [f°20v] dessus est dict, apres que les dictz maire et eschevins, Albert, et procureur du Roy, ont avecq nous signé le présent acte, qu’avons faict rédiger par escript et dellivrer par le greffier de la dicte ville. Ce fut faict et ordonné en la dicte maison de ville par nous, lieutenant général susnommé, le dit jour et an.

BIBLIOGRAPHIE PROVISOIRE Manuscrit

Archives Municipales d’Étampes, fonds ancien, cote 190, folios 6v-20v.

Édition

Clément WINGLER [Directeur des Archives Municipale d’Étampes], Le Collège aux XVIe et XVIIe siècles, Étampes, Archives Communales d’Étampes, 1995 [brochure de format A4, 54 p. dont 28 numérotées], pp. 7-21 [15 photocopies avec leur transcription en vis-à-vis].

Études

Dom Basile FLEUREAU [Religieux Barnabite, ancien directeur du Collège], Les Antiquitez de la ville, et du Duché d’Etampes avec l’histoire de l’abbaye de Morigny et plusieurs remarques considerables, qui regardent l’Histoire generale de France [618 p.], Paris, J.-B. COIGNARD, 1693.

M. SAISSET, Histoire du Collège d’Étampes [15 p.], Étampes, Lecesne-Allien, 1886.

Charles FORTEAU, Le Collège Geoffroy-Saint-Hilaire à Étampes [147 p.], Étampes, Lecesne-Allen, 1910.

Explicit

Sommaire général — Catalogue général — Nouveautés — Beaux-Arts — Bibliographie — Histoire — Littérature — Textes latins — Moyen Age — Numismatique —Prosopographie — Sciences et techniques — Dom Fleureau — Léon Marquis — Liens — Remerciements — Écrire au Rédacteur — Mail to the Webmaster